科學館，藝術館，太空館
話說今日為左cow 女，又要最平既活動係咩？ 緊係去d 乜館物館啦(拳館就唔好住，因為有d 貴) 第一站就帶佢去太空館睇3d 波羅包戲先啦 頂佢個肺點知連呢d 飛都會full, 仲原來可以上網買飛添既，最後買左唔知咩野太空衛星撞地球之類睇啦 咁見中間有d 時間就去隔離個藝術館睇 雖然我唔知咩係baroque? 就緊係鳩up 自己見過啦 入到去d 畫展，慢慢睇慢慢睇，但d 畫都幾搞笑嫁喎， 又噴奶噴天使仔又露jj 咁，唔講以為去左成人展 仲有個唔知乜春裝置藝術，入到去好黑 原來係兩個波波唔知做咩係度轉黎轉去，轉足10 分鐘 我睇完都唔知做乜，咁唯有是但開個話題啦 Me: 頭先個野轉得都幾好喎，好似d 原子撞擊咁 女：係囉，好似d atom 係度轉咁呀 我心諗(藝術既野我識條撚咩，我係屋企拎兩粒兵兵球掛係度開風扇好過啦) 之後再慢慢行去科學館，原來睇恐龍又要booking 我光速咁上網book, 丫又好彩比我book 到 我滿心歡喜以為有d 恐龍肉比大家試下食，點知全部都係骨黎 隻隻都大大隻又無燈，搞到我同條女影相都影唔到 影完出黎好似打機果隻成個未解lock 果d 人物咁 黑色面，得d 衫有顏色咁 所我張張都無比佢睇返，廢事比人知我影相咁差 咁我唯有每樣野都介紹下等佢覺得我都識D野咁啦 睇到去D骨既部分,我發覺左一樣野就係同大英博物館有D 唔同 就係呢D收藏品大部分都係無濕度計,溫度計之類去CHECK 實 最後當然都係GOOGLE LA ,但我都唔係好知呢堆野係咪真品 咁再行落去物理展區 話哂我都係一個曾經想做物理科學家既人,呢D 小學物理緊係難我唔到啦 咁佢就不停問我D 原理係點 當中就係去到光析射問題 咁係無筆無紙底下,其實我都唔知點解釋比佢聽 唯有用最簡單咁講,入射角等於反射角同有樣野叫全內反射 咁就可以解釋到哂成個展區既現象 (但原來佢心入面諗既我原來係完全唔同) 去完幾個展區,最後就去左行K11 食左個因為太大風又熱極快溶開心果雪糕 我地就去左塔船去返港島,再塔叮叮返北角 係途中其實我多次想攬住佢,但我覺得好似太快喇,約左2次就攬住人,所以我都無咁做到 係叮叮途中聽到佢屋企人可能有D野唔係好支持佢 但我想講我心入面真係支持你去做你想做既事 最後就送到佢屋企樓下,今日就完喇