話說,隔離店個弟弟渣住盒模型 我就諗返起以前第一位女友人送比我既生日禮物---高達模型 當時應該中二 我都幾沉迷高達 而呢份禮物我到依家都無將個盒入面既零件打開過 成盒高達都完全好似新既一樣 其實因為細個果陣我真係完全唔捨得砌 連最最最初既袋都仲keep 住 因為話哂都係第一位加第一份既拍拖禮物? 最後我應丞左個弟弟送盒模型比佢 比佢之前,我都係忍唔住為盒高達影左張相 因為呢盒野可能就係代表緊我中二既一部分回憶 我唔知一個人有幾多個第一次 但我淨係知每樣野既第一次 你再做過既時候,你一定可以諗得返起 你第一次自己既心情,當時既情境 例如第一次贏比賽 第一次拖手等等 仲有琴日唔知做咩鬼野經過一d 學校既時候 播緊愛是不保留 呢首歌係我第一首詩歌聽到我流馬尿(都係唯一一首) 開心既事多多第一次都無所謂 傷心既事真係得一次就足夠喇 你問我依家仲想發生咩既第一次 到我依家呢個歲數,我當然話你聽 我想有第一個一百萬啦