Diary

我由細到大都咁鐘意陳奕迅 今日終於有機會第一次睇佢開演唱會 我最等待佢唱既幸福摩天輪 雖然佢唱既係開心輕快快樂版 但我收貨呀,因為係另一種感覺 而我另一首期待既係"今日" um,我鐘意cd 既version 多d 到左最後,因為今日係eason 生日 有班歌星都有到場,謝霆鋒,穌永安呀果d (我就唔係好恨見到佢地既,不過有就bonus 啦) 最後因為咁,所以有4隻encore 聽 我相信今日係呢20場演唱會最精彩既一晚黎嫁喇 (扼下自己)我真係好鬼鐘意陳奕迅d歌!!!

今日體會到,大陸打尖文化  2條啊叔帶住個黑超扮盲(仲要帶住假rayban),直接去頭位  我就係最前果位,但係因為果度係堔圳  正所謂猛虎不及地頭虫  而且果2隻仲要係蝗虫  我只好忍氣,後面排隊果班最多都係個頭轉轉下咁 一句聲都無出  到我買飛喇,我d普通話咁純正,個賣飛既妹妹  竟然唔識聽我講乜,拎本簿比我寫  我心諗,想我寫我電話比你之掛,咁低裝既招我都用過啦  我醒喇,我慢慢講,佢終於明我講咩  但後面班啊叔係度屌哂鬼  我心諗,比人打尖就唔屌鬼  我唔識講普通話,買耐左 就嘈我,你班友仔真係欺善怕惡  最重要既係我既普通話太純正,無鄉音  果個妹妹先聽唔明姐,你老闆丫 老實講丫,已經有幾條友問我:你是那裡人  我又唔係明星,你知我邊度人又點丫  想約我直接出聲就可以喇  最後,堔圳既物價真係好高,同香港有得fight  (坐火車去堔圳既時候,識左個啊婆,同佢傾足成程車,魅力?沒法講)

拿Pixar 既戲我套套都有睇既  我本人就鐘意反斗車王,衝天救兵,Toy story,超人特攻隊,Wall E系列  最近果個Brave就幾tvb,唔係幾岩我睇  而怪獸公司就因為個細佬女幾可愛同毛毛有霸氣得黎,又純品而吸引我去  今集就...無細佬女,而係講友情既  但係唔知點解我覺得講得唔係太夠喉  例如個院長就9唔答8咁,講左幾句就走左  成套戲我最記得係,個啊伯同人做fd 最後仲搞埋人地啊媽果度 2人共享一個啊媽,果度我笑左好耐== (我鐘意森美配返大眼仔多d!!) 最後我係唔會比分既  但我心目中呢套野都係必睇既 因為情義結  我想睇卡通型既愛情片呀!!  因為真人既愛情片都係虛幻嫁啦  倒不如整卡通，更加合適啦  (好似Wall E,UP　幾好呀，呢D真係男人既浪漫喇)