哈哈哈哈
就黎甩p喇 話咁快又新年
發表文章
唔知乜野挑戰賽
話說見到個乜野障礙挑戰賽 就去左報名參加 當日烈日當空曬到 要當街轉衫轉褲 女人都係一樣 我見佢地尷尷尬咁 成個賽事係玩咩呢 就係馬術不過就無左隻馬咁解 姐係個人跑下2k 中間要你入下水 扒下馬嬲架 繩網,迷宮之類 成個過程大約3個字就玩完 咁就300$喇=[ 入面d人個個大隻到呢(我係其中一人) ----------------------------------------------------- 之後就去左食澳牛 因為係高登睇得太多post 個個都話要2秒落單 所以係出面排隊既時候已經一早諗好點叫 (就係等友人叫左之後我大叫:同佢一樣) 咁就過骨啦 點知原來同一般茶記一樣 係要排4個字入去食佢抄蛋囉 不過d 抄蛋真係幾好食我比8/10分 我仲叫左2份餐自己食哂添 叫左個常餐同蛋牛冶 蛋牛冶係我最鐘意食既三文冶!! (sorry 近排有左所以食好多野)
龍珠呀
係我由細到大既龍珠呀 係龍珠劇場版呀 係我抵受左成幾個月bt誘惑既龍珠呀!!! 咁大個仔第一次入場睇龍珠 因為受住之前鳥山明話明比比達威返次 我就仆到去買飛睇 感動既係我覺得比達已經可以同悟空50/50 喇 不過係場內我都見到有部分年紀已過50歲既一對對睇 我心入面諗:龍珠既階層真係夠哂廣
夜行大帽山
即興既夜行 為雲海而上山 放工就出發 夜晚12點去到城門水塘開始夜行 裝備包括有:短褲，風嬲，電筒,無喇 全程無街燈，得支電筒帶路 每次行過d 石椅都好似有人坐係度咁 行呀行行呀行都原來行左個半鐘左右 終於行完個城門水塘 （平路多，唔難行，不過夜晚無燈咁解姐） 到左呢個第8段先係呢次夜行既重點 一路行果d 石頭上山（突然諗起之前行南蛇尖） 不過就無咁鈄，但一隻手要渣電筒又黑都幾麻煩 行左半個鐘左右 就知道應該上左山腰喇 因為已經好大霧(身處霧中) 老實講望出去都望唔清50米外既野 淨係知道跌左落去應該上唔返黎 用相機影既自拍 原來已經d霧氣整濕哂成身 因為不停上山行左粒幾鐘 無啦啦要落山，又望唔到出面 曾經諗過係咪已經到左山頂 但繼續行行行終於見到出面有野睇喇（d霧散左陣） um似夜機望落地下囉 舉頭望上去都好多星星 呢個好似係唔知咩軍營？定係天文台門口？ 唔知有無人有睇紅van 小說呢 呢個閘口就係紅van講果個位 我去到第一個印象都係紅van 成條路都無燈乜都無 係得呢個位咁光 係霧中又見到高達既物體 咁就說明左已經行到左大帽山頂喇 今次黎既目的係為左睇雲海 但我成程就得部電話，dc仔同電筒 可以話係乜鬼都影唔到 呢一張已經算係最影到假雲海既一張嫁喇 咁無計啦咁辛苦上到黎緊係睇埋日出先走 太陽慢慢升升升升 都幾靚既 不同我都係享受行夜山果程感覺 果種神秘感,未知感 有機會再行過夜山加露營 下次希望真係睇到真正既雲海啦
大阪－東京之旅
因為一個機緣巧合 搶到平機票所以就去左日本喇 簡單記一次日本既旅程 －－－－－－－－－－－－－－－－－－－－－－－－－－－－－ 第一日就關西落機 為左confirm 夜車去東京巴士係真係訂左 所以要特登去一次個jr 巴士站問 我與友人第一日既酒店係心齊橋 最後因為路痴既關係 間酒店足足行左成個半鐘先搵到 第一日係日本食既晚餐就係燒鳥鋪（姐係食雞啦） 但我萬萬都估唔到我叫既野食當中，竟然有一味係雞刺身 有雞心同埋唔知乜（總之就係生食...) 我果一刻心諗乜雞都可以生食嫁咩 個雞心仲要有血既，我果刻覺得自己係荒島入面既主角一樣sosad 之後就去左日本人最鐘意玩既老虎機 成日眼見漫畫入面配角都輸到底褲都無 我緊係覺得自己會贏返幾百萬返香港啦 最後5分鐘輸左我1千yen 我真係覺得食左佢好過喇 最後好口乾就去左買野飲 見到支野成個辣椒油咁 咁諗住試下新野好唔好飲啦 一飲，真係辣椒油味既波子氣水 飲左2啖頂唔順掉鬼左 第一晚完 第二日就去左環球影城喇 一大朝早就去到 10點開，8點半就去到 因為之前買左唔到express（驚去唔到哈利波特個主題玩） 上網又有攻略教，如果早去可以唔洗express 點知一開閘個個好似跑緊渣打馬拉松咁加上果度既音樂 我全程都忍唔住笑 跑左起碼真係有1、2個字先到果個位 第一次玩，我以為係坐下車聽下野 原來係玩類似過山車既野 都幾驚喜，呢一個我覺得係全個樂園最好玩既 玩完出到黎見到個隊排寫住要排2個鐘 果刻我就知頭先既馬拉松係值得嫁喇 我用勝利既眼神望住排隊既人 我頭也不回就去玩其他野喇 (比你ff 做魔法c 既玩具) 同埋我去果陣咁岩就出左3個新展區 巨人，eva，bio 因為bio 就要識日文先玩到 個巨人上網睇就麻麻地 所以就去左睇eva 4d 好正，如果你有睇開eva 會覺得好high 其他就唔多講喇，入到去玩就知喇 我比呢個樂園10分有9分好玩 第三日就坐夜車去東京 朝早就去左築地食個排左成個鐘 又唔知餐牌寫乜鬼既食煙薰魚飯 um....我覺得呢就呢。。。 減去日本風情果part 分呢 我覺得呢餐我會比2分啦10分入面 因為同我去香港既吉野家食d魚一樣 係香