大阪－東京之旅

因為一個機緣巧合
搶到平機票所以就去左日本喇 簡單記一次日本既旅程
 －－－－－－－－－－－－－－－－－－－－－－－－－－－－－
第一日就關西落機
為左confirm 夜車去東京巴士係真係訂左
所以要特登去一次個jr 巴士站問
我與友人第一日既酒店係心齊橋
最後因為路痴既關係
間酒店足足行左成個半鐘先搵到
第一日係日本食既晚餐就係燒鳥鋪（姐係食雞啦）
但我萬萬都估唔到我叫既野食當中，竟然有一味係雞刺身
有雞心同埋唔知乜（總之就係生食...)

我果一刻心諗乜雞都可以生食嫁咩
個雞心仲要有血既，我果刻覺得自己係荒島入面既主角一樣sosad
之後就去左日本人最鐘意玩既老虎機

成日眼見漫畫入面配角都輸到底褲都無

我緊係覺得自己會贏返幾百萬返香港啦

最後5分鐘輸左我1千yen

我真係覺得食左佢好過喇

最後好口乾就去左買野飲

見到支野成個辣椒油咁

咁諗住試下新野好唔好飲啦

一飲，真係辣椒油味既波子氣水

飲左2啖頂唔順掉鬼左

第一晚完

第二日就去左環球影城喇
一大朝早就去到
10點開，8點半就去到
因為之前買左唔到express（驚去唔到哈利波特個主題玩）
上網又有攻略教，如果早去可以唔洗express
點知一開閘個個好似跑緊渣打馬拉松咁加上果度既音樂
我全程都忍唔住笑
跑左起碼真係有1、2個字先到果個位

第一次玩，我以為係坐下車聽下野
原來係玩類似過山車既野
都幾驚喜，呢一個我覺得係全個樂園最好玩既
玩完出到黎見到個隊排寫住要排2個鐘
果刻我就知頭先既馬拉松係值得嫁喇
我用勝利既眼神望住排隊既人
我頭也不回就去玩其他野喇

(比你ff 做魔法c 既玩具)

同埋我去果陣咁岩就出左3個新展區
巨人，eva，bio
因為bio 就要識日文先玩到
個巨人上網睇就麻麻地

所以就去左睇eva 4d
好正，如果你有睇開eva 會覺得好high
其他就唔多講喇，入到去玩就知喇
我比呢個樂園10分有9分好玩

第三日就坐夜車去東京
朝早就去左築地食個排左成個鐘
又唔知餐牌寫乜鬼既食煙薰魚飯

um....我覺得呢就呢。。。
減去日本風情果part 分呢
我覺得呢餐我會比2分啦10分入面
因為同我去香港既吉野家食d魚一樣
係香港食條老虎班好過啦，仲好食

之後就去左台場睇高達同學生妹

因為有好多學生妹唔知係咪去果度旅行
個個都一袋二袋買住野走
跟手去左果度既科學館
個館個地球好靚

5，6點去左浸溫泉
入面我見到d黑人都唔係好勁姐，超
不過見到好多小一，二既女仔入去同佢老豆一齊浸
呢個係我最奇怪既

第四日去左秋葉原

見到一車車既大媽去買電飯煲
我流淚呀
d figure,我淨係想要鋼鍊
但最後都睇唔岩，又撞正落雨就去左
第度睇jump 龍珠海賊王個樂園喇

雖然我扮得似屙屎但

我相信睇開龍珠既都會知道呢個係咩情境啦

我係入面發生左一件令我成個旅程非常遺憾既事
就係我無去抽獎=[
另外就係為左夾龍珠，用左我成舊水都係得個吉
夜晚去左新宿歌舞技町
紅燈區

第五日去左富士急
但因為太大風同凍，佢停左其中兩個過山車！！！！！！！！
果兩個我都好想玩嫁！！！
佢其他過山車都刺激

咩反轉幾十度再倒轉個頭飛落黎
總之好正，呢d野岩哂我啦

(其實我去到每個地方有摩天輪就會坐，加上呢個仲要係望到富士山既犘天輪）
有咩刺激野就岩哂我
下次跳樓記得預埋我喇

第六日新宿行街（最悶既一日）
坐夜車返京都

第七日返去京都
朝早5點鐘幾天都未光就落左車
第一時間想食個早餐
果一刻搵熱野食係幾困難
最後係車站買左個熱狗食
之後就去左清水寺
另外請搵亮點

行到上去，應該係果日最早到達既旅客黎
任你行，又無人，睇左個幾鐘就去睇其他寺
夜晚食雞泡魚
隔離仲會有個日本妹一對一服侍你＠o@

雖然個雞泡魚唔係我想像中既味道
但個日本妹令呢餐飯加左唔少分

第八日去左滑雪，我事前已經係youtube
睇左數十次，我去到已經覺得自己成為expert
所以上到頂，我二話不說就已經衝左落鈄坡
嘩，果刻既感覺high 到震
但另外個問題就黎喇
我完全唔識停
係一個勁快既速度之下，我諗住一個屈尾十打橫個人停低
最後停係停到，不過係訓係度停囉
我撞到成個人痛到果刻透唔到氣
令我諗返去細個係樹上面因為條樹藤cake 到隻腳一野心口撞落舊石果個情境
衫袋入面既野因為無拉拉鏈d野飛哂落雪sosad
最後我扑多兩次我就識喇
人點仆都好咪又係要自己企返起身
無人會可憐你,唔仆又點會識起返身呢
同我流冰一樣，我第一次流冰 我記得我手d 血係係個場既冰上面都有
自學先有樂趣嫁嘛

最後太大雪個場都要關
吹兩分鐘已經成頭雪(凍到我仆街又無手套得3件衫)
大雪到眼都整唔大最後

第九日就返香港喇

全程日本就算－3度，0度我都係著住3件衫姐（計埋嬲）

完