Diary

有發燒啦,又屙又嘔 但係我最後都係無食藥 我主張自然療法(姐係唔理佢) 所以我足足發左燒2日 同埋屙左3日有多 到依家仲屙緊gg  

男人先有既共嗚呀,亮點係0:47 s

https://www.humblebundle.com/ 做慈善之餘又有十幾隻GAME送 P.S.我捐左喇,但我都無咩時間玩喇 如果LIST 入面你邊隻GAME 想玩既話 你搵我,我比條KEY 你 (我本人拎左BF3,同試左2條DEADSPACE KEY) (買落既GAME 我都係放多過玩,唔洗同我客氣)

雨崩我永世難忘既地方 都係我覺得去旅行暫時覺得最正既地方 因為呢個地方仲未開發 所以係無車去 所有地方都係徙步 由開始進入去村口 已經足足行左8個幾鐘 d 路仲要係有牛屎，馬屎，人屎 又要係山路 諗起人都痴線 每行一個地方就會有燈柱講我地聽幾多號 因為之前既朋友講過11x號就會到雨崩 我地行左足足6個鐘終於到100號！！！！！！ 真係真係好辛苦好辛苦 呢個就係我行山裝備 個帽我見幾型棍所以買，但估唔到佢幫左我勁多 之前就係無帶帽防曬野 我成塊面甩哂皮，所以今次要包實 不竟果度都有成4千幾海拔，紫外線超高 （因為琴日洗左對＜默＞所以掛住係個背long 上面，諗住曬得乾 點知到最後都係唔乾，因為d 汗濕完又乾乾完又濕) 我的救命棍，救左我幾十次 留意下面真係全部泥同屎 shit 唔好以為得我一個係咁，其實我地同行者都係一樣包到實 個背long 幾十斤重，又水又野食又衫 仲要行山路，行屎路 行足8個幾鐘先到雨崩目的地 crazy 終於都到喇！！！！！！！！！ 雖然已經係6點幾7點 但個天都係咁光 個房仲要望到雪山 第一時候就去左沖個熱水涼 雖然好簡陋，同好多蛇蟲鼠蟻 但我都覺得呢個沖涼節目我比200分 我地plan 係雨崩玩4日 呢4日先係地獄既開始 唔應該係玩4日係訓練意志既4日 因為呢4日夾埋起碼行左35個鐘 係行45度以上既山路 有好多路係要用埋手爬 海拔又高，但超好玩！！！！

踏入呢一日 我首次見到香港人,點解我知佢係香港人? 因為佢著legging 呀 係德欽度停左陣 搵左間抄野食 吳，幾好正，岩我口味 多油多鹽咁，正 食完野就上路喇 去我地進入雨崩原始森林既前一站 飛來寺 去之前睇相會覺得呢度睇日出好鬼正 但睇日出既野就講運既 當然我。。。都無咁好運睇得到啦 唉又哂左一次5點幾起身 呢個日出有名堂嫁，叫 日照金山 前面果個雪山就係金山了 雖然已經過左日出時候 飛來寺無咩好講 但係入面識到幾位人兄 佢地話我似金裝4大才子既周文賓 （佢一講既時候我係諗，嘩大陸仲做緊幾千年前既tvb 劇?) 雖然我唔知道佢講果個係邊個，但係tvb 文化真係深入大陸人心呀 好，係飛來寺住一晚後就到呢個旅程既重頭戲 雨崩 －－－－－－－－－－－－－－－－－－－－－－－－－－－－－－

係虎跳峽度住左日 朝早仆街。。。又要行2個幾鐘落峽 落到中虎跳 終於有車接送喇 坐左6個鐘左右啦 終於都去到香格里拉 個司機係藏族人黎 佢話我地如果無地方住 可以住係佢屋企 去到佢屋企都幾鬼大 成間house 咁大 但佢地煮野食係係個廳度 呢個就係我地食既下午喇 有酥油茶，酸牛奶粒，青卡餅？，青卡麵?(唔知係咪咁叫) 係食完果一刻我完全覺得廣東菜係最最最好食 （因為藏菜真係超難食) 食完野就出去玩下喇 去到古城區 唔小心影到佢隻藏x 狗 佢話要收我錢 我頭也不回唔理佢 佢帶住隻狗黎 心面諗：唔會放隻狗出黎咬我呀 好彩最尾佢都識趣走開 我地去左下一站去左轉個成個摩天輪咁大既時代巨輪 d人話轉單數，就可以轉到運 我都轉左圈 我諗起碼要30～50人先轉得郁 果d友仔搵唔到位轉 佢走黎捉住我隻手黎拉 我心諗：痴線嫁，你拉我都比唔到力個輪啦，short嫁 （仆街都唔知係咪想拉我出黎，比個位佢轉) 去玩完一輪就返返藏民屋企 睇佢條村，睇完再返去佢屋企食野（果陣7點半，個天都仲係咁光) 呢餐係薯仔加醬食 （超超超好食呀d薯仔勁綿，勁好食） 佢果d 野放上去係虫茸黎 我每次都落勁多落去 開頭佢地眼望望，我心諗做乜鬼呢 我見佢地都係落小小 原來呢d虫茸係好貴既野黎 我因為以為係晚飯黎 所以我不停地食 我估起碼食左7－10個薯仔 食完之後先知有飯食 佢地原來係食4餐嫁一日 。。。。。。。。。。。 晚餐又係食薯仔 我見咁簡單就幫手抄下 （佢地覺得好好笑咁） 未見過男人煮飯咩 仲有煮左個什麼什麼豬肉 成塊都係肥糕黎 係完全食唔出味道 佢地煮野食，係only 一樣送就係一樣送 唔會有其他配合黎煮送 好鬼單調，不過好彩我食飽左 但都食左3碗飯，去係旅行食野特別多 佢地一定心諗：條友係咪傻嫁，食d垃圾都食3碗飯 食完飯，我就立刻去幫手洗碗 佢地洗碗估唔到係落酸牛乳粒黎洗 油到痴線 佢地仲要唔過水黎洗碗 洗完就放係度就完左 我都無眼睇 最後唔飲酒既我 我都試左佢地既青卡酒？ 超好飲，聽佢地話呢隻酒成6x度 但我飲落口，我覺得好

虎跳峽係乜鬼海拔差距最多既峽谷 （上虎跳去中虎跳係海拔4xxx>2xxx） 一大清早就同人合車去到上虎跳 開始我地8小時行峽谷之路 我鐘意呢句：不是路不平，只是你不行 行呢個28拐真係好辛苦好辛苦，因為海拔又高 又不停地轉，仲要不斷上山 但係當然啦正所以高手都係最遲先出現既 呢班山羊行山真係高幾班 其實一路既景色我地都係雲上面 係神仙既感覺，好彩後生 無乜高原反應 成條路係，有d地方需要勇氣跳過去 成程入面我只係見過有大約15個路人會咁樣行 其他人係會選擇係旅遊車度行馬路欣賞 個峽下面有條河，好似老虎咁不停叫 d 路真係好鬼險，行錯2步真係會飛左落峽谷底 最後都成功去到中虎跳 見到我同鄉就同佢影張相 終於可以休閒一晚喇 間房就係咁喇 早抖 下一站就係要聽日落山 再坐車去香格里拉了

瀘沽湖如果大家有機會去麗江真係必去既地方 因為果度真係好靚，同埋去既時候果6個鐘既車程 有同坐過山車既感覺 只係200蚊既車費就有6個鐘既過山車刺激感 試問邊度有? 每一條路 個司機都會想盡方法去超車 但每條路既位就只可以過到一架車 呢d壓力真係唔係人人受得起 再望望我地會經過既路面 我會命名佢為秋名彎 經過左唔知幾長既時候，終於都到左美麗的瀘沽湖喇 天海一色 去到第一時間就係租左部單車環湖 當中就識到3位朋友 其中一名係老師，其他就無問 踩左唔夠1個鐘，我地都決定放棄喇 因為環湖踩哂係要8－9個鐘 第一日就係forget everything hotel 度住左晚 第2朝晨咁早就去坐船睇日出 最後係睇唔到野而回 因為雲南真係太多雲喇 到左我自己覺得呢幾日最緊張刺激既 電單車環湖喇 我真係型到無得再型落去 大家試想想左邊係山涯，你要點樣渣呢一架電單車呢 我後面係有位女士坐車 我用左一個到依家我都覺得好痴線既方法過彎 就係開到盡，50km 訓住咁過彎 個引擎係點到個地下！！！！！ 坐我後面果個驚到痴線 （我過彎果刻係快感令到我腦內一片空白） 刺激感：100分，坐我後面果個應該有101分 刺激完緊係要休閒返一陣啦 睇住人地係出面划船仔 幾休憩～ 返到forget everything hotel 被迫到退房。。。因為佢話租左比人 錢。。可以令到口齒也失去 最後就係女老師既房住下來 佢地2人房，但間房計埋我住左7個人 我諗咁唔係路，每個人都唔知訓邊 最後左搵右搵先搵到個hostel 床位 就係訂果刻我見到一個令我心動 而我地又對望左2s 既女仔 可惜我趕住去拎床位 最後，到左返左香港我都仲有掛住佢既感覺（但已經唔記得左個樣喇) 唉～緣份一過去，就好似空氣咁捉唔住 最後我就係一個訓到4點半既時候天花會流水既床位 訓左一晚（訓訓下成面水,仲要唔知咩水黎) 到左第3日回程係架車

朝早一起身，凍到我抽根 應該我估就得12、3度咁上下 神咁早就走左去拉市海（拉屎海） 本來每人10蚊既車費 但因為個司機唔記得，定係好人唔收 到左落車我都無比過錢個司機 佢就開走左架車 係果度騎馬一個鐘係收費220人仔 見琴日比人扼鬼完，所以決定要親親大自然去行路 但過路費都要40＄ 我覺得個拉市海好鬼靚 因為小湖，草地，天，船，馬，靚仔都有齊 好睇完咁靚既景 當然就係走返出去喇 行路返出去都有學問既 就係點樣唔經原路行出去，而又行得安全呢 個答案就係亂咁行喇 我地足足行左2個鐘都出唔返去 係個小山路度迷路 果度d植物，件件都高過我 我想睇條路都難 幾經辛苦行左出馬路度搵車返客棧算喇 返到去客棧就搵左琴日班西安朋友坐車去束河古鎮度遊下 同麗江既分別唔太大 只係小人d咁解 我同佢地無女朋友既都影左張合照 唉，鬼叫生得靚仔無女仔埋身咩 係個古鎮入面竟然有海賊王 個重點係入面放既係王菀之既歌 我完全覺得呢個世界無奇不有呀 係束河古鎮慢慢遊下行下 咁都已經下午6點喇 （麗江的天氣係8點半之後先係天黑) 係公交車上同西安既朋友啊澤傾開計 原來咁多年輕人都係咁憎共產黨 但佢地既夢想就係想做公務員 因為唔洗做又有錢收，安定有樓住 了解左好多佢地既思想 （佢地廿歲人可以一日食包半煙） 係咪真係有咁多煩惱，定係已成習慣呢？ 休閒的麗江遊(第5天)

雲南行軍死亡40小時 第2,3,4天 到左第2日，係廣州 因為又係6點有多先有火車去昆明 （仲要係硬座) 所以我決定左朝早8點起身 去下廣州既博物館（聽人講好出名) 外表十足transformer 果個能量塊咁 入到去個樣係石屎天花，仲未鋪好咁 真係十足陳法拉咁，有外表，無內涵 入面既展物我最鐘意就係呢個 無錯喇，我都唔知係乜黎 不過佢令我諗到真三國無雙入面既結他 行左2個幾鐘行完 （我覺得香港果個好睇d） 果頭原來佢有齊圖書館呀，藝術館呀 少年宮呀（開頭我以為係乜打十二星宮既東西，原來係少年藝術館) 要提一提既係個圖書館 因為 佢係十足十magebox 咁大嫁 但我心諗緊，會唔會真係有咁多書呢？ 起碼諗住搵本平板64 黎睇下有無 點知係咁既 多數既書架都係空空如也 其他既館都係差唔多嫁喇 都係有外表，無咩內涵 行到都下午 所以搵左間四川野食 um，唔辣，但入面既四川服務員就幾白 點解我知佢係四川，因為佢講我聽囉 －－－－－－－－－－－－－－ 話咁快就去返坐火車到昆明 27小時精神崩潰時間 因為你坐既位勁唔舒服 仲有你一企起身 企位既人就會坐左你個位 仲有最緊要夜晚 果度係完全唔關燈 張橙又硬又驚比人偷野，又驚比人坐 我感覺上十足有個未知既炸彈放左係我周圍一樣 我見人地訓係，坐係地下，個頭係訓係張橙度 咁我果27個鐘點過? 咪又係了下d 啊e 呀 啊叔呀 啊妹呀 啊哥呀 果d 傾下計囉 我就同隔離位既文賓幾好傾 佢以前係農民黎既(20歲) 依家出左黎廣東打工 佢家鄉係大理 成程既風景佢都同我講解邊個樹係種乜 邊個地方係有咩好睇 佢諗野係屬於非常單純果一類 好喇 終於過左打仗果27個鐘 到左昆明喇 文賓就帶我地去坐的士去最近既大巴站 去麗江(係需時1x鐘的) 果陣係晚上9點多 係火車度我係一個飯都無食到 姐係已經有27個鐘無飯落肚 我諗住順利可以坐大巴去麗江喇 點知又無哂票 真係大大聲講左句:仆街點解個天咁對我地 最後我地買左黃牛飛上左大巴 真係夠哂大膽 大家可以望望車內既環境 你可以想像一個又臭又細既