香格里拉

係虎跳峽度住左日
朝早仆街。。。又要行2個幾鐘落峽
落到中虎跳
終於有車接送喇
坐左6個鐘左右啦
終於都去到香格里拉
個司機係藏族人黎
佢話我地如果無地方住
可以住係佢屋企
去到佢屋企都幾鬼大
成間house 咁大

但佢地煮野食係係個廳度

呢個就係我地食既下午喇

有酥油茶，酸牛奶粒，青卡餅？，青卡麵?(唔知係咪咁叫)

係食完果一刻我完全覺得廣東菜係最最最好食

（因為藏菜真係超難食)

食完野就出去玩下喇

去到古城區

唔小心影到佢隻藏x 狗

佢話要收我錢

我頭也不回唔理佢

佢帶住隻狗黎

心面諗：唔會放隻狗出黎咬我呀

好彩最尾佢都識趣走開

我地去左下一站去左轉個成個摩天輪咁大既時代巨輪

d人話轉單數，就可以轉到運

我都轉左圈

我諗起碼要30～50人先轉得郁

果d友仔搵唔到位轉

佢走黎捉住我隻手黎拉

我心諗：痴線嫁，你拉我都比唔到力個輪啦，short嫁

（仆街都唔知係咪想拉我出黎，比個位佢轉)

去玩完一輪就返返藏民屋企

睇佢條村，睇完再返去佢屋企食野（果陣7點半，個天都仲係咁光)

呢餐係薯仔加醬食

（超超超好食呀d薯仔勁綿，勁好食）

佢果d 野放上去係虫茸黎

我每次都落勁多落去

開頭佢地眼望望，我心諗做乜鬼呢

我見佢地都係落小小

原來呢d虫茸係好貴既野黎

我因為以為係晚飯黎

所以我不停地食

我估起碼食左7－10個薯仔

食完之後先知有飯食

佢地原來係食4餐嫁一日

。。。。。。。。。。。

晚餐又係食薯仔

我見咁簡單就幫手抄下

（佢地覺得好好笑咁）

未見過男人煮飯咩

仲有煮左個什麼什麼豬肉

成塊都係肥糕黎

係完全食唔出味道

佢地煮野食，係only 一樣送就係一樣送

唔會有其他配合黎煮送

好鬼單調，不過好彩我食飽左

但都食左3碗飯，去係旅行食野特別多

佢地一定心諗：條友係咪傻嫁，食d垃圾都食3碗飯

食完飯，我就立刻去幫手洗碗

佢地洗碗估唔到係落酸牛乳粒黎洗

油到痴線

佢地仲要唔過水黎洗碗

洗完就放係度就完左

我都無眼睇

最後唔飲酒既我

我都試左佢地既青卡酒？

超好飲，聽佢地話呢隻酒成6x度

但我飲落口，我覺得好鬼好飲

好飲過紅酒

飲完我就獨自上佢既天台

睇星星

你諗下個情境幾型

成天星星

一條友半醉既人係天台上面睇星

呢種咪浪漫囉

其實我果陣真係好想有另一半係度同我一齊睇

可惜真係可惜

睇完就入返屋訓地下喇

明天就去飛來寺喇

（又要坐6－8個鐘）